BUTUAN CITY – Gipasidunggan kagahapon pinaagi sa surfing ceremony sa Bondi Beach sa Sydney Harbour, sa Australia ang usa ka 12-anyos nga biktimang si Nico Antic, kinsa namatay sa ospital human gi-ingkit sa iho niadtong Enero 24 samtang naglangoy-langoy uban sa iyang mga higala sa Vaucluse, mga 9 km gikan sa sentro sa Sydney.
Gikuha siya sa tubig nga adunay grabe nga kadaot sa duha ka tiil.
Sa seremonya, gipakita sa footage sa Australian Broadcasting Corp. ang mga paddle boarders ug surfers nga nag-porma og dako nga lingin sa dagat isip pagpasidungog kang Nico ka-uban ang mga surf lifesavers, mga higala sa eskwelahan, ug mga paryente.
Daghang baybayon sa Sydney ang gi-close niadtong Enero human sa upat ka shark attacks sulod sa duha ka adlaw, tungod sa kusog nga ulan nga nakapahimo sa tubig nga murky ug mas makadani sa mga iho.
Niadtong Septyembre, usa ka surfer ang namatay tungod sa dako nga ihong mi-atake kaniya sa Long Reef Beach.
Sumala sa datos sa conservation groups, ang Australia adunay average nga 20 ka mga shark attacks matag-tuig, ug mas ubos sa tulo niini ang fatal kansa mas gamay kumpara sa gidaghanon sa mga nalunod sa baybayon sa nasud.
