BUTUAN CITY – Mugnaon sa Police Regional Office kon PRO-13 ang Special Investigation Task Group kon SITG aron motutuk sa pag-ambush sa mga personahe sa and Transportation Office kon LTO-Surigao City kagahapong adlawa.
Nasayrang patay sa maong insidente nga natigayon sa Sitio Dacuman, Brgy. Ipil sakop sa Surigao City ang LTO checkpoint team leader nga si Felixberto Loayon samtang nakagawas na sa ospital ang iyang mga ka-ubanang sila Rene Sinangute ug Freddie Wabina .
Sigon ni Police Lt .Col. Christian Rafols, tigpamaba sa PRO-13, gimando na ni Caraga Police Regional Director Gilberto DC Cruz ang pagmugna og SITG aron madali ang pagsulbad sa kremin og mahatagan og hustisya ang biktima og ang iyang pamilya.
Dugang pa ni Col. Rafols, palawman pa ang imbestigasyon ilabina kay M16 armalite rifle ang gigamit sa mga suspetsado base na sa narekober nga mga basiyo sa bala sa crime scene kondiin ang naghupot niini mao lamang matud pa ang mga rebelding New People’s Army kon NPA.
Naka-heightened alert karun ang kapulisan sa Surigao City ilabina kay tulo ka oras human sa maong hitabo, alaing pagpamusil-patay na usab ang natigayon nga mikalas sa kinabuhi ni Rempel Joe Marales Senados, residente sa Cagtinae, Malimono, Surigao Del Norte.
