BUTUAN CITY – Kung kaniadto ginisa nga bato ang gikagubtan isip street food sa China, karon, sinugba na usab nga ice.
Sumala pa sa nagpasi-ugda sa maong street food sa Nanchang, Jiangxi Province, gihimo lang niya kini isip joke sa summer season kondiin libre lang ang maong street food, apan human kini nag-viral, daghan na kaayo ang naglinya sa maong stall aron lang matilawan ang sinugba nga ice nga binutangan og mga powdered na nga lamas.
Tungod sa video nga gi-upload sa usa ka netizen sa Weibo, usa ka social media app sa maong nasod, daghanan ang mga nanuroy sa maong stall aron lang matestingan ang maong pagkaon, pangutana sa uban, asa man kini mahulog?
Sa init ba, o sa bugnaw nga pagkaon? Unsaon man kini pag kaon?
Sama ba sa ginisa nga bato, diin supsupon lang ug iluwa? O apilon pagkaon ang ice? Tubag sa nagpasiugda niiini, wala usab siya kabalo.
