BUTUAN CITY – Nag-viral karon sa social media ang post sa usa ka single dad nga nag-flex sa iyang mga anak nga gusto nang duna’y matawag nga ‘Mama’.
Nasayrang bisan og nag-inusarang gimatuto ni Don Dizon ang iyang tulo ka mga anak, nahatagan niya kini og haruhay ga kinabuhi ug nakapalit pa siya og ilang kaugaligong balay.
Daghang mga netizens ang mibilib kaniya tungod sa maayong pagpahiluna sa iyang mga anak ug daghan usab nga mga babaye ang nagka-interest, seryuso ug dili, sa iyang post.
Base sa iyang post, duna’y madawat nga P15,000 nga monthly budget ang iya unyang mapili-ang “Ilaw ng Tahanan” gawas pa sa remittances sa Social Security System kon SSS, PhilHealth, ug life insurance ug duna pa’y dugang P5,000 nga allowance nga pang online shopping.
