BUTUAN CITY – Giguba na ang simbolikong “Fisherman’s Ring” ug lead seal ni kanhi Pope Francis atul sa 12th general congregation sa College of Cardinal ning adlawa, Mayo 6.
Sayrang gub-on ang maong singsing ingon man silyo human mamatay ang usa ka Santo Papa arun malikayan ang sayop nga paggamit niini.
Sumala sa mga gipaambit nga litrato ug video sa Vatican Media, giguba ang maong singsing ug silyo sa New Synod Hall atubangan mismo sa mga Cardinals ingon man sa carmelengo nga si Cardinal Kevin Farrell.
Sumala sa Universi Dominici Gregis, ang apostolic constitution nga maoy nag dumala sa “sede vacante” kon ang pagkabakante sa posisyon sa Santo Papa, kinahanglan matud pang mag organisa og panahon ang mga cardinals arun gub-on ang nahisgutang personal nga gamit sa Santo Papa.
