BUTUAN CITY – Padayon karung nanawagan si Rev. Fr. Stephen Brongcano, director sa social action center justice and peace sa tanang dunay malumong kasing-kasing nga mopadayag sa ilang kalooy sa mga na-apektuhan sa linog sa Cotabato ug Davao Area pinaagi sa kongkretong tabang.
Sumala pa ni Fr. Brongcano nga padayon karung modawat ang social action center sa dioceses sa Butuan sa mohatag og tabang. Lakip sa gikinahanglan karun sa mga biktima sa linog ang gamit katuluganan lakip na niini ang trapal, cash, pagkaon, tubig ug senina. Dunay giplastar nga table sa may Saint Joseph Cathedral aron modawat sa mga hinabang. Samtang pwede usab nga ederetso sa mga parokya ang hinabang, aron ang parokya na usab ang magdala niini ngadto sa social action center.
Sigon pa ni Fr. Brongcano nga posibling sunod semana na ipadala ang mga hinabang ngadto sa social action center sa Cotabo og Davao aron sila na usab ang mag-apod-apod ngadto sa mga biktima si Rev. Fr. Stephen Brongcano, director sa social action center justice and peace ning dioceses sa Butuan kansa kuraparoko usab sa Saint James the Great Parish sa lungsod sa Buenavista, Agusan Del Norte.
