BUTUAN CITY – Gituohan nga nagpuyo si kanhi Ako Bicol Representative Zaldy Co sa usa ka gated ug mahalon nga komunidad sa Lisbon, Portugal.
Sumala ni Interior Secretary Jonvic Remulla, lisod siya dakpon tungod kay wala’y extradition treaty ang Pilipinas ug Portugal ug adunay na siya’y Portuguese passport sulod sa 10 ka tuig hinungdan nga kinahanglan nila mangita og kaso niini nga 10 year-older aron ipasaka batuk kaniya.
Dugang pa ni Remulla, gihuptan na sa gobyerno ang mga assets, kwarta, ug negosyo ni Co samtang padayon ang legal nga pamaagi aron makuha siya.
Samtang giklaro sa Department of Justice (DOJ) nga wala pa’y kumpirmasyon kung nagtago ba sa Portugal ang kanhi magbabalaod.
Sumala ni DOJ Spokesperson Atty. Polo Martinez, bisan pa man nga adunay impormasyon nga nadawat ang gobyerno bahin niini, kinahanglan pa kining beripikahon aron malikayan ang dili kumpirmadong impormasyon.
Dugang pa niini, lisod pang makuha si Co kung atua kini sa Portugal tungod sa kawala’y extradition treaty tali sa Pilipinas ug sa maong nasud.
Si Co ug uban pang opisyal gi-isyuhan og arrest warrants niadtong Nobyembre 2025 tungod sa ilang kalambigitan sa nga anumalusong flood control projects ug giatubang og kaso sa Sandiganbayan alang sa corruption ug malversation of public funds nga nagkantidad og P289 milyon sa Oriental Mindoro.
