BUTUAN CITY – Napasaka na ang kasong murder, illegal possession of firearms and ammunition ug carnapping batuk sa usa ka notorius nga silahis ning siyudad sa Butuan nga nasikop sa bag-ohay lang.
Sigon ni P/Chief Insp. Manulito Parazzo, Hepe sa Placer Municipal Police Station, nasikop nila ang suspetsadong si Surchel Morata Cagatin, olitawo, 41-anyos ug residente sa Purok-6, Barangay Mahogany, Butuan City human kini nakapusil-patay didto sa Barangay Macalaya, Placer, Surigao del Norte.
Nasikop kini sa gilusad nga hot pursuit operation pipila ka adlaw human sa pagpamusil sa niaging semana.
Nakuhaan nila ang maong suspek ug .45 nga pistola, mga bala ug ang single motor nga gipanag-iyahan sa iyang gibiktima nga taga Barangay Lower Libas, Taganaan, Surigao del Norte.
Gipahayag pa sa Hepe nga usa ka notorius ang maong suspek tungod kay daghan na kining gipang-ilad pinaagi sa pagpaila nga usa ka agent sa NBI ug PDEA ug magpaka-aron-ingnon pang pulis.
Migamit usab kini ug daghang pangalan aron lang makapamiktima
