BUTUAN CITY – Padayon nga maghatag og seguridad ang kapulisan sa Surigao Del Sur hangtud karong adlawa ngadto na sa katawhan ug sa mga bisita sa nagpadayong Bagong Pilipinas Serbisyo Fair nga gisugdan kagahapon sa Bislig City.
Mi-abot sa kinatibuk-ang 600-milyunes pisos nga kantidad sa mga serbisyo, mga programa ug hinabang pinansyal sa gobyerno ang natunol ngadto sa kapin 90-mil ka mga benepisyaryo ang gitagana sa nasudnong gobyerno.
Sumala ni PCol. Harry Dominggo, ang Provincial Director sa Agusan del Sur-Police Provincial Office, hugot ang ilang gipatumang siguridad ilabina nga present ang 80 ka mga kongresista kauban si House Speaker Martin Romualdez.
Sigon sa maong opisyal, walay nahimong problema sa maong Serbiyso Fair, gawas na lamang sa bug-at nga dagan sa trapiko sa Brgy. Mangagoy tungod sa ka huot sa mga dalan niini.
