BUTUAN CITY – Sa na Lunes na, Disyembre 2 sa alas-singko sa hapon ilusad sa lokal nga kagamhanan sa Buenavista, Agusan del Norte ang ilang Siga Tortosa 2024 nga himuon sa municipal kiosk sa Brgy. 7.
Sigon ni Atty. Juselle Roble, ang Special Assistant to the Mayor, usa kini ka tinuig nga pagpasiga sa mga Christmas lights ug pagpakita ingon man pagpasinati sa katawhan sa mga Christmas decors nga gisugdan niadtong Disyembre 2022 pagpanguna ni Mayor Jun Roble.
Matag-tuig, lahi-lahi matud pa ang tema niini apan karong tuiga, naka-angkla sa temang tortosa, ang sentro sa festival sa maong lungsod.
Aron daghan matud pa og kasuruyan ang mga tawo, gibuwag-buwag sa lokal nga kagamhanan ang mga Christmas lights and decors kondiin duna’y gimontar sa may Rotonda, sa municipal hall, sa kiosko ug sa children’s park. Tapuson ang maong seremonya sa fireworks dispplay nga magdugang lingaw sa katawhan sa maong lungsod.
