BUTUAN CITY – Posibleng magdesisyon ang Senate impeachment court pinaagi sa simple majority vote kung ibasura o ipadayon ang impeachment case batuk kang Vice President Sara Duterte.
Sigon ni Senate President ug Impeachment Court Presiding Officer Chiz Escudero, ang bisan unsa mang mosyon nga giduso angayang desisyunan pinaagi sa simple majority votes ug posible usb nga ma-dismiss kini base lang sa gisubmiteng answer ad cautelam sa kampo ni Duterte dayong butyag nga wala na kaniya ang hurisdiksyon aron magkomento sa answer ad cautelam sa besi presidente.
Kini human gipadayag ni VP Sara nga dili siya angay pugson pagtubag sa mga alegasyon o kaso nga nakalatid sa verified impeachment complaint human kini gibalik sa Kamara.
Gidugang pa ni Escudero nga ang tanan, posibleng madesisyunan apil na ang posibleng mahitabo ilabina kung wala mi-agi sa pormal nga pagtaral ang impeachment complaint.
Iyang gidugang nga ang si kinsa mang miyembro sa Korte, mahimong magduso og mosyon aron hukmang sad-an si Duterte o kaha mosyon alang sa pagbasura sa kaso, kansa ipa-ilalom sa pagbotar.
Una nang gipamugos ni Escudero nga wala nawad-an og hurisdiksyon ang impeachment court bisan og gibalik pa sa Kamara ang impeachment complaint batuk kang Duterte dayong klaro nga ang mosyon, wala agpa-dismiss o kaha magpa-terminate sa mga reklamo batuk sa besi presidente.
Giklaro niining dili sila maka-issue og writ of summons kang Duterte kung wala sila’y jurisdiction.
