BUTUAN CITY – Sukad pa kaniadto, kung duna man gani mga kumbira sama sa birthday party, debut, kasal ug uban pa, basta duna lama’y kwarta ang hingtungdan, magpalit gayod sila og mga souvenirs aron ihatag sa mga bisita sa ingon duna kay madumduman kung imo kining makita.
Apan lahi ang bag-ong gikasal nga sila Jayson ug Lorelei sa Tagaytay City tungod kay ang ilang wedding giveaways, dili na nimo makita paglabay sa pipila ka mga adlaw.
Kung ning mi-aging adlaw, nag-viral ang kasal sa Iloilo human nga gihimong bouquet sa bride ang mga sibuyas bombay, karon wala usab nagpa-uli ang newly-wed couple sa Tagaytay tungod kay ang maong mga panakot usab ang ilang gihimong giveaways ngadto sa ilang mga bisitang miltambong.
Sigon sa ilang wedding coordinator nga si Aldrik, family business sa bride ang sibuyas bombay ug tungod sa kadaghan sa ilang stocks, nagdesisyon silang kini na ang ilang ihatag nga handumanan.
Tungod kay mahal gihapon ang presyo sa sibuyas bombay, malipayong nanuli ang mga bisita tungod sa bitbit nilang tag-usa ka putos nga sibuyas bombay.
