BUTUAN CITY – Nakita karon sa kapulisan nga mahimong kritikal nga parte sa ilang imbestigasyon ang mahimong testimoniya sa duha ka mga igsson ni Julie Patidongan alyas Totoy, sa kaso sa mga missing sabungeros.
Sigon ni Philippine National Police kon PNP spokesperson PBGen Jean Fajardo, ang direktang partisipasyon sa mga igsoon sa whistleblower sa maong kaso, rason nga makonsiderang absolute necessity ang mamahimo nilang pamahayag.
Migawas sa imbestigasyon nga si Elakim ang nag-withdraw gikan sa ATM account sa usa sa mga sabungero ug gusto nilang masayran kung sa unsang paagi nga na-adto kaniya ang ATM ug aron masuta kung apil siya sa midagit sa mga sabungero ug kung duna ba siya’y kasayuran sa patay’ng lawas sa mga biktima.
Samtang gipadayag pa ni Gen Fajardo nga bisan og ila nang nasubmite ang gipanumpaang pamahayag ni Patidongan, dili pa gihapon kini igo aron maresolba ang kaso tungod kay dako ang posibilidad nga bakwi-on niini ang pila ka parte sa iyang pamahayag o kaha duna’y ebidensya nga posibleng sukwahi sa iyang pamahayag.
Dugang ni Fajardo, kinahanglan pa og dugang statements aron usahon ug itukma ang nakuha nga mga unang impormasyon gikan sa maong whistleblower ug ang ilang nakuha gikan sa ilang imbestigasyon.
