BUTUAN CITY – Dako ang pagpasalamat sa Department of Tourism kon DOT-Caraga nga wala girekomenda nila Department of Enviroment and Natural Resources kon DENR Secretary Roy Cimatu og Department of Interior and Local Government kon DILG Sec. Eduardo Año ang pagpasira sa Siargao Island sa Surigao del Norte.
Kini human personal nga gisaksihan kagahapong adlawa sa duha ka kalihim ang pag-demolish na og sugod sa 391 ka mga establisamientong nakalapas sa environmental law sa nasud.
Sigon ni DOT-Caraga regional director Ma. Ana Nuguid, wala’y plano ang probinsyal nga kagamhanan sa Surigao del Norte nga ipasira ang isla isip solusyon sa isyu sa basura tungod kay ipatuman man sa DENR ang tanang environmental laws sulod sa isla.
Kagahapon gi-inagurahan sa duha ka kalihim sa Residual Containment Area kon RCA nga nahimutang sa Brgy, Malinao, lungsod sa General Luna.
Gitimbaya matud pa sa duha ka kalihim si Mayor Yayang Rusillon tungod sa barangay-to-barangay nga pagpatuman sa waste segregation ilabina sa mga establisamiento rason sa kahinlo sa ilang lungsod.
Sa natad usab sa turismo, ipatuman ang tourism destination zoning sa mga establisamientong nakalapas sa balaud sa kina-iyahan kansa duna’y maayong epekto sa industriya sa turismo sa maong isla.
Sa maong zoning hatagan og kagahom ang mga tag-iya sa establisamiento anga boluntaryong muguba sa parte sa ilang establisamiento nga nakalapas sa 20-meter easement zone.
Kini magpamatuod matud pa nga dili gusto sa mga stakeholderds sa isla nga dili kini masusama sa Boracay Island.
