BUTUAN CITY- Subli nang ablihan ang Siargao Island, usa sa pinaka-iladong world-class surfing destination sa Pilipinas ngadto sa mga turista, human ang halos duha ka buwan sukad nga kini gikuso-kuso ni Bagyong Odette.
Sigon ni Mayor Prosferina Coro sa lungsod sa Del Carmen, Surigao del Norte, subli na usab nga gi-ablihan ang tugpahanan sa Siargao human ang pipila ka buwan nga pagsira.
Sigon usab ni Cielo Villaluna, tigpamaba sa Philippine Airlines, nga magpadayon ang ilang mga flights sa Siargao sa Pebrero 22 gamit ang 86-seater nga De Havilland Dash 8-400 NG aircraft.
Madumdumang sa pagsugod sa kasamtangang tuig, hinay-hinay na nga subling gi-ablihan ang mga gagmay nga negosyo sa maong isla kondiin ang mga residente padayon nga subling pagtukod sa ilang mga nagubang balay tungod sa bagyo.
Gawas niini, nanawagan usab si Coro sa gobyerno nga tabangan ang mga mangingisda nga makabangon human nga naguba ang ilang mga bangka.
Ang Del Carmen lakip sa 9 nga munisipalidad sa lalawigan sa Surigao del Norte nga makita sa Isla sa Siargao.
