BUTUAN CITY – Duha ka hinay nga tectonic nga linog ang mitay-og sa Siargao Island kaganina ingon man kagabii.
Sigon sa Philippine Institute of Volcanology and Seismology kon Phivolcs, usa ka 2.1 magnitude nga linog ang ilang natala kaganinang alas-12:12 sa kaadlawon.
Ang epicenter niini nasigpatan sa gulay-ong 49 kilometros sa habagatang sidlakan sa Pacific Ocean nga nag-atubang sa lungsod sa General Luna, Siargao Island, lalawigan sa Surigao del Norte kansa duna’y giladmong 14 kilometros.
Apan adiser niini, usa ka 2.6 magnitude nga linog usab ang ilang natala pasado alas-11:09 kagabii kansang epicenter nasubay sa gilay-ong 30 kilometros sa habagatang sidlakan sa susamang lungsod og duna’y giladmong 18 kilometros.
Samtang sa kasikbit nga lalawigan, usa ka 2.2 magnitude nga linog usab ang natala pasado alas- 10:06 kagabii, mga 10 kilometros sa habagatang sidlakan sa Tandag City, Surigao del Sur province, kansa duna’y giladmong 49 kilometros. (Beth Ruiz)
