BUTUAN CITY – All set na ang probinsiyal nga kagamhanan sa Surigao del Norte pag-host sa 2020 Caraga Athletic Association – Regional Sports Competition Island Games nga himuon sa Siargao Islands karong Marso 14 ngadto sa 19.
Sa pakighinabi sa Bombo Radyo Butuan kang Atty. Zander Plaza, Surigao Del Norte provincial administrator, gibutyag niining halos siento porsiento nang kumpleto ang tanang gikinahanglan alang sa maong kompetisyun diin nagkada-iyang mga komitiba ang gimugna.
Samtang gamay nga kulang sama sa paglimpyo na lang ang himuon aron hingpit nang magamit ang sports complex nga gitawag og ‘Siargao Island Sports Academy and Training Center’ .nga dunay mga rooms nga ubos sa pagdumala sa Provincial Economic Enterprise Development and Management Office kon PEEDMO.
Giklaro usab ni Atty. Plaza nga milyones pesos ang gibubo nga pondo alang sa maong proyekto kansa usa usab ka national project kondiin abagahon sa probinsiyal nga kagamhanan ang transportasyon sa mga delegado gikan sa Surigao City ngadto sa Siargao Island lakip na sa Dinagat Island padulong sa isla diin ipahigayon ang padula.
Bisan sa kadako sa gigasto sa probinsya, gipaneguro sa opisyal nga makaginansiya gihapon ang lokal nga kagamhanan sa himoong regional meet sa Department of Education kon DepEd-Caraga
