BUTUAN CITY – Usa na ka ghost barangay karon ang Siana sa lungsod sa Mainit, Surigao del Norte tungod sa paghikling sa tanang mga residente human ang pagdahili sa lapok nga nga midamyos sa 25 kakabalayan.
Sa pagsusi sa Bombo News team, masusi nga mga binuhing kahayupan na lang ang anaa sa gawas sa mg a balay sama sa iro ug iring samtang biniyaan apil na ang mga sakyanan tungod sa pagdali-dali og hikling. Bisan ang elementary school sa nasangpit nga barangay wala na usa’y mga tawo ug nakaparada na lang ang mga sakyanan.
Sa pagkutlo niini nga balita, wala pa gipabalik sa ilang pinuy-anan ang mga apektadong residente tungod sa kadelikado pa sa sitwasyon rason nga nagkinahangan pa sila og mga food supplies. Gani ang ubang mga barangay sa maong lungsod, nagtunol usab og hinabang sama kang Brgy. Kapitan Allan Mozar, sa Brgy. Quezon sa susamang lungsod aron magaan-gaanan ang gibati sa mga apektadong residente. via Bombo Lilibeth Ruiz
