BUTUAN CITY – Himoon na karung umaabot nga Pebrero 21 og 22 ang duha ka adlaw nga shoot for a cause sa Bureau of Jail Management and Penology kon BJMP-Caraga sa Surigao City.
Pangunahan kini sa Surigao City Jail nga maoy host sa RD’s Cup 2026 “Aim for Hope.
Sa maong event, dunay duha ka Course of Fire nga mao ang 8 ka stages og 160 rounds minimum samtang ang mga Match Divisions, gilangkuban sa Handgun, PCC kon Pistol Caliber Carbine og Mini Rifle.
Ang maong kompetisyon abli sa tanang kwalipikado og interesadong mahiligon sa shooting.
Sa eksklusibong pakighinabi ning sibyahan kang JSSupt. Ferdinand Pontillo, regional director sa BJMP-Caraga, nga sa unang adlaw lauman nga mosalmot ang mga personahe sa maong ahensiya aron makita usab ang ilang kapabilidad.
Samtang ang matigom nga pondo sa maong kalihukan, gamiton sa pagtabang sa mga Person’s Deprived of Liberty kon PDL sa Surigao City Jail
