BUTUAN CITY – Gibalhin na sila Shiela Guo ingon man si Cassandra Li Ong sa National Bureau of Investigation kon NBI kagabie gikan sa Bureau of Immigration sa Maynila. Kahibaloang si Shiela kay igsoon ni dismissed mayor Alice Guo, ug higala usab niini si Cassandra Ong.
Kahinumduman nga gilahos ang duha sa Bureau of Immigration pagbalik nila mismo sa Pilipinas human sila gibabagan sa ug gi aresto sa Indonesia. Sumala ni Department of Justice (DOJ) spokesperson Asec. Mico Clavano, atubangon sa duha an gmga reklamong paglapas ingon man paglabag sa immigration laws.
Kahinumdumang dunay gipagawas nga arrest order kontra sa duha ang Kongreso tungod sa wala niini pagtambong sa mga pagpatawag para sa hearing mahitungod sa Philippine Offshore Gaming Operators Kon POGO.
Alayon niini giklaro usab ni Atty. Ferdinand Topacio, nga kinahanglang dunay legal nga basehan kung prisohon ang usa ka indibidwal. Sa kasamtangan, bugtong ang arrest warrant lamang gikan sa House of Representatives nga giisyo kang Cassandra Ong ang anaa sa mga otoridad rason nga kinahanglan matud pa silang iturn-over sa kustodiya Sergeant-at-arms sa kongreso.
Kahinumdumang gikataho ni Justice Secretary Jesus Crispin Remulla nga dalhon una sila si Cassandra Ong ug Sheila Guo sa kustodiya sa National Bureau of Investigation alang sa questioning at debriefing.
