BUTUAN CITY – Ipa-deport sa Bureau of Immigration (BI) ang igsoon ni dismissed Bamban, Tarlac Mayor Alice Guo nga si Sheila Guo, human nadiskubrehang duna kini Chinese passport.
Sa gipagawas nga mugshot sa BI, gipanganlan si Sheila Guo sa iyang Chinese name nga Zhang Mier.
Sigon ni BI Spokesperson Dana Sandoval, ilang nadiskubrehan nga si Sheila duna usa’y Philippine passport samtang ang iyang Chinese passport, hangtud pa sa tuig 2031. Ipa-deport matud pa nila si Sheila tungod sa misrepresentation ug pagka-undesirable alien.
Nagtuo ang BI nga si Sheila, hulga sa public safety, public interest ug national security.
Posible matud pa silang mi-agi sa backdoor aron makagawas sa nasud human nasubay nga duna kini entry sa Sabah. Dili ka-uban nila Sheila ug Cassandra Li Ong si dismissed Bamban, Tarlac Mayor nga gibalik dinhi sa nasud human na-aresto sa Indonesia ning mi-aging adlaw.
Kasong obstruction of hustice ug harboring of fugitive ang gipasaka batuk sa duha ug bisan bailable ang kaso, magpabilin sila sa kustodiya sa NBI tungod kay duna sila’y pending nga warrant of arrest sa Senado ug sa Kamara.
