BUTUAN CITY – Very proud nga gipa-ambit ni Megastar Sharon Cuneta ang iyang pagbaton na niya og senior citizen identification card kansa iya pang gipa-laminate ug gi-share sa iyang social media account.
Malipayong gipadayag ni Shawie nga usa kini ka pribilehiyo nga aging process ilabina nga wala siya’y gimahayan sa iyang kinabuhi apil na mga kasakit nga iyang nasinatian kaniadto nga maoy nagpahimo kaniyang lig-on nga tawo.
Sa iyang Instagram post kagahapon, makita nga ang iyang senior citizen card, gi-isyu niadto pang Enero ning tuig.
“Heto na siya!!! (Siempre inalis ko ibang info, pero ito na Senior Card ko!!!) Hahahaha!!! Yahooo!!!!” “AGING, MY FRIENDS, IS A PRIVILEGE!!! Thank You, Lord!” aniya pa.
Madumdumang nagsa-ulog si Sharon sa iyang ika-60 ka tuig nga adlaw’ng natawhan niadtong Enero 6 ning tuiga.
