Shabu, armas og mga bala, nakuha gikan sa usa ka sundalo og usa ka dalaga sa raid sa Butuan City
BUTUAN CITY – Gikustodiya na sa Butuan City Police Station 2 ang usa ka AFP enlisted personnel og usa ka dalaga human nadakpan sa gipahigayong buy bust operation pasado alas-9:40 kagabii sa Brgy. Ong Yiu ning siyudad sa Butuan.
Naila ang mga nadakpan nga sila Sherlyn Laruza Cubillas alyas Danica, 22-anyos, residente sa Purok 9 sa susamang barangay og PFC Joy Casiñares, 44-anyos, minyo og residente sa Purok 1, Brgy. Holy Redeemer ning siyudad.
Nakuha gikan sa ilang posisyon ang upat ka sachets sa suspected shabu nga gibana-banang nagkantidad og 11-mil, 800-pesos, 500-pesos nga buy bust money, duha ka cell phones, usa ka kalibre 45 nga pistola uban sa pito ka mga buhing bala ingon man usa ka motorsiklo.
Gihikay na ang mga dokumentong kinahanglanon alang sa pagpasaka kanila og kasong paglapas sa Sections 5 subay sa Section 26 og 11 sa Article 2 sa RA 9165. (Beth Ruiz)
