BUTUAN CITY – Gi-aprubahan sa Department of Agriculture (DA) ang pag-export sa 100,000 metric tons nga raw sugar padulong sa United States of America aron matabangan ang industriya nga nag-atubang sa sobra nga produksyon ug pag-ubos sa presyo sa lokal nga merkado.
Tumong niini ang pagkuha sa sobra nga supply human sa harvest nga misobra og 130,000 tonelada ug aron hatagan og mas taas nga presyo ang mga exporters pinaagi sa US quota system.
Sumala ni Agriculture Secretary Francisco Tiu Laurel Jr., ang pag-divert sa record output ngadto sa US makahatag og dali nga kaluwasan sa mga mag-uuma.
Kini na ang ikatulo ka tuig nga ang Pilipinas nag-export og raw sugar ngadto sa US, nga nagsugod sa 33,000 tons, nisaka sa 66,000 tons, ug karon 100,000 tons, nga nakatabang sa pagtaas sa presyo nga madawat sa mga mag-uuma.
