BUTUAN CITY – Nasikop sa gilusad nga hot pursuit operation sa kapulisan sa San Francisco, Agusan del Sur uban sa mga kapulisan sa Lingig, Surigao del Sur ang duha ka mga lalaking gitu-uhang maoy mipusil-patay sa negosyanteng si Jeffrey Zhar Escol, 39-anyos, minyo, residente sa Tagbina, Surigao del Sur, didto sa Purok 3, Brgy 5, lungsod sa San Francisco niadtong Lunes sa buntag.
Ang nadakpang sila alyas Janjie, 30-anyos, mag-uuma, residente sa Purok Lomar, Brgy. Sabang, ug alyas Cris, 37- anyos, drayber, ug residente of Purok 2, Brgy. Pagtilaan, pulos sakop sa lungsod sa Lingig, nakuhaan og usa ka kalibre .45 nga pistola.
Sigon ni PLtCol Milan Naz, officer-in-charge sa San Francisco Municipal Police Station, kasong murder ang gisang-at batok kanila sa Provincial Prosecutor’s Office ug gikustodiya sila sa San Francisco MPS.
Dako ang pagpasalamat sda opisyal ngadto sa iyang ginsakpan sa wala’y puas nga gilusad nga operasyon ingon man sa suporta ug kooperasyon sa komunidad, pinaagi sa boluntayong paghatag sa mga kopya sa CCTV footage sa kadalanan ug mga saysay sa mga saksi nga nakatabang sa ilang imbestigasyon hinungdan nga dali nahatagan ug kasulbaran ang nahitabong insidente.
