BUTUAN CITY – Balik-operasyon na ang Walwal grill and resto bar sa Bayugan City, Agusan del Sur human kini temporaryong gisira og usa ka adlaw human mikaylap ang sex video nga nakuhaan sulod mismo sa pansayan sa mga babaye.
Nasayrang daling nag-viral ang maong sex video sa usa ka babaye ug matud pa co-proprietor sa bar nga nakuhaan sa wala pa mailang responsableng nakapwesto sa alkubang bahin sa maong pansayan ang nagkuha niini.
Dihang naka-abot kini sa buhatan ni Bayugan City Mayor Kirk Asis temporaryo niining gipasira ang maong establisamiento samtang gihimo ang inspeksyon isip kabahin sa ilang imbestigasyon uban sa mga pulis, mga personahe sa City Health Office ug Bureau of Fire Protection diin gitabunan gilayon ang alkuba sa ingon makabaton og privacy ang pansayan.
Dako ang pagpasalamat sa usa sa mga proprietors niini nga si Rolly Juntilla sa tsansang gihatag ni Mayor Kirk Asis kanila bugti sa mando nga komapletuhon ang ilang mga dokumento alang sa ilang pag-operate..
