BUTUAN CITY – Ikunsulta pa ni Bislig City Mayor Librado Navarro sa iyang abogado ang hangyo sa legal officer sa Police Regional Office-13 nga dalhon una sa kapulisan ang van nga service vehicle sa ilang local government.
Kini may kalabutan sa mas gipalawman pang imbestigasyon kalabot sa pagpatay kang radio anchor Christopher Iban Lozada human gipamugos sa Presidential Task Force on Media Security nga nagpabilin pa gihapon nilang ‘person of interest’ ang maong mayor sa nasangpit nga kremin.
Sa eksklusibong interview sa Bombo Radyo Butuan, gipadayag ni Mayor Navarro nga iyang pang kunsultahon ang iyang abogado tungod kay daw gipanawong na matud pa sa kapulisan nga ang nasangpit nga van maoy gigamit dihang gipusil si Lozada sa Brgy. Coleto.
Una nang mipalag ang mayor sa pag-search sa mga pulis sa ilang siyudad og lalawigan sa Surigao del Sur sa maong van taliwa sa kawalan nila’y dalang search warrant og wala pagpakig-alayon sa iyang buhatan.
Sigon sa mayor, bisan og ilegal base sa balaud, gitugutan pa gihapon sa ilang General Services officer ang pag-search niini nga gisulayan pa pagdala kansa wala na gitugutan pa. (Beth Ruiz)
