BUTUAN CITY- Mipasaka si Senate Majority Leader Juan Miguel “Migz” Zubiri og sugyot balaodnon kansa nagtumong nga i-reset ang pinaka-unang parliamentary elections sa Bangsamoro Autonomous Region in Muslim Mindanao kon BARMM sa Marso 30, 2026.
Gisugyot sa Senate Bill No. 1587, ang pag-amyenda sa Bangsamoro Organic Law kon BOL aron mahatagag-katinawan ang legal nga basehan sa election ug ipatuman ang pagsugod sa termino sa mga ma-elect nga opisyal sa Abril 30, 2026.
Lakip usab niini ang pagpatawag sa sunod nga eleksyon sa BARMM uban sa nasudnong eleksyon sa 2028 ug matag tulo ka tuig human niini.
Sumala ni Zubiri, kapin unom na ka tuig ang minglabay sukad natukod ang BARMM apan wala pa gihapon naka-pili ang mga katawhan alang sa ilang kaugalingong lider, butang nga daw supak sa tumong sa kaugalingong pagdumala ug kaugalingong paghukom sa rehiyon.
Dugang pa sa senador, nga hinungdan sa pagkalangay ang mga desisyon sa Korte Suprema kansa naghawa sa Sulu isip parte sa BARMM ug nagbasura sa 2025 redistricting law sa Bangsamoro Parliament, nga misangpot sa bag-ong mga pagpangandam alang sa mga distrito ug istruktura sa eleksyon.
