BUTUAN CITY – Gibatikos ni Senate President Chiz Escudero si Senadora Imee Marcos tungod matud pa sa pag bypass niini sa Senate rules dihang gi-mando niini ang pag-aresto ug detention ni Ambassador Markus Lacanilao nga wala ang required approval gikan sa opisina sa Senate President.
Sumala ni Escudero nga wala siya ming babag sa pagperma sa contempt order, kundili wala matud pa siya mahatagi og tsansa nga ma review kini dihang gipagawas ni Marcos ang maong mando sa media.
Gicite usab sa Senate President ang due process ilabi na ang gikataho ni Chief Justice Alexander Gesmundo sa mga nakalabay niining ruling, isip pagmando nga buhian si Lacanilao ug isyuhan kini og show cause order arun makapadayag ang maong ambassador sa kaugalingon niini sulod sa lima ka adlaw.
Sigon pa ni Escudero nga ang Senado, dili kinahanglan nga gamiton sa personal og political gain, partikular na karong umalabot nga midterm elections, gimanduan usab niini si Marcos nga huptan ang intigridad sa institusyon ug dili gamiton ang pagpakita sa media isip promosyon sa kaugalingon.
