BUTUAN CITY – Gibutyga ni Senadora Imee Marcos nga ang mga blankong items sa Bicameral Conference Committee Report sa 2025 National Budget ang usa sa hinungdan kung nganung dili siya mopirma.
Apan ang iyang pipila ka mga kaubanang senador dili kumbisido nga mupapasar ang Kongreso sa national budget nga duna’y gibiyaang blankong items tungod kay dili kini mabalanse.
Sigon ni Senador Sherwin Gatchalian, dili mupirma si Senate Committee on Finance Chairman Senadora Grace Poe sa 2025 General Appropriations Act kung duna’y gibiyaang blangko sa pondo.
Tubag kini ni Gatchalian sa birada ni kanhi Pangulong Rodrigo Duterte nga duna’y pipila ka mga items sa 2025 national budget nga blanko matud pa ug dili madawat, butang nga gipalagan ni Pangulong Ferdinand Marcos Jr., dayong butyag nga namakak si Duterte.
