-- ADVERTISEMENT --
BUTUAN CITY – Gikumpirma ni Senador Ronald ‘Bato’ de la Rosa nga apil na sa Duterte bloc sa Senado si Senadora Imee Marcos human niini gipadayag ang iyang kagustuhang mu-abin sa maong grupo.
Madumdumang unang nakasulod sa Magic 12 sa senatorial race sila re-elected senators Bong Go ug de la Rosa mismo apil na ang bag-ong napiling si Senador Rodante Marcoleta.
Dili pa masiguro ni Senador Bato kung si Senator-elect Camille Villar kinsa parehong gi-endorso nila Pangulong Bongbong Marcus ug Vice President Sara Duterte, mu-abin ba sa ilang grupo tungod kay wala pa sila magka-istorya niini.
Sa pagkakaron, wala pa sila’y nahisgutan kung kinsa ang suportahan aron mahimong sunod nga Senate President.
