BUTUAN CITY – Posibleng ang pressure gikan sa taas nga gahom ang hinungdan nga gisurender ni Senate President Chiz Escudero ang gahom sa Senado pinaagi sa wala pagpirma sa contempt order nga gipagawas sa Senate Committee on Foreign Relations pagpanguna ni presidential sister, Senadora Imee Marcos alang kang Special Envoy on Transnational Crime Markus Lacanilao.
Sa panglantaw ni political analyst Atty James Reserva, gipadayag niini nga unang higayon kining nahitabo nga ang citation in contempt nga gipagawas sa committee chair sa Senado, wala pirmahi sa Senate President.
Bisan matud pa og makonsidera nga internal matter sa Senado ang nahitabo apan dili mawala sa panglantaw sa publiko nga nahimo na hinuong makaluluoy ang Senado taliwa nga usa unta kini ka vigilant institution sa atong kagawasan tungod kay mao unta matud pa kini ang checker and balancer sa gahom sa executive branch.
Alang kang Atty. Reserva, malantaw niya nga laparo kini sa ka-ubanang senador sa Senate President tungod kay sliya mismo ang naghatag og ka-ulawon sa iyang ka-uban.
