BUTUAN CITY – Ningbarog si Senador Ronald Bato dela Rosa nga musalmot gihapon siya sa sunod nga pagdungog sa Senate Blue Ribbon Sub-committee mahitungod sa war on drugs sa Duterte Administration. Kini ang iyang tubag sa panawagan ni Santa Rosa City Representative Dan Fernandez nga ipabilin ang kridibilidad sa Senado pinaagi sa dili pagsawsaw ni Dela Rosa ug ni Senador Bong Go sa nasangpit nga pagdungog.
Sumala ni dela Rosa, gawas kang kanhi Presidente Rodrigo Roa Duterte, lakip usab siya nga kinahanglang imbitado sa maong pagdugog tungod kay siya man ang main implementor sa war on drugs niadtong panahon pa ni Duterte. Kinahanglan matud pa siya sa nasangpit nga pagdungog ug ningtunga siya dili lang isip usa sa mga panels apan isip usa usab ka resource person.
Dugang pa ni dela Rosa, ang pamahayag ni Fernandez, indikasyon lamang nga dili gusto sa kongresista nga matu-is ang ilang gipasi-atab sa House Quad Committee ug masayran sa tibuok kalibutan ang kamatuoran. Hadlok matud pa si Fernandez nga motunga siya sa maong imbestigasyon tungod kay nasayod siyang mabulgar gayod ang mga alegayon batok kaniya sa Senado.
Alayon niini, gipasanginlan usab ni dela Rosa si Fernandez ingon man ang House Quad Committee nga posibleng sila ra sa House Quad Committee ang naghimo og script tungod kay perti man ka-abtik ni Fernandez nga makasulti nga scripted ra ang affidavit ni PCOL Hector Grehaldo sa Senate hearing.
