BUTUAN CITY – Planong ipaadjust ni Senador Sonny Angara sa Civil Service Commission ang kwalipikasyon sa mga trabaho sa Pilipinas nga mohaum sa mga Senior Highschool Graduates sa nasod.
Sumala sa Senador nga basin matud pa og dunay suhestion ang nasangpit nga buhatan nga matanggal na ang kasamtangang kwalipikasyon sa nasod diin college graduate gayud ang ginapangita sa mga bakanteng trabaho.
Dugang ni Angara nga makig istorya usab siya sa mga negosyante sa nasod mahitungod sa pag-abli og dugang pang mga job opportunities alang sa mga technical-vocation (tec-voc) SHS graduates.
Lakip sa mga business groups nga gitumbok sa senadotr mao ang Management Association of the Philippines, Philippine Chamber of Commerce and Industry, the Federation of Filipino-Chinese Chambers of Commerce and Industry, ingon man ang Makati Business Club.
Sumala usab ni Angara nga trabahoon niini ang paghatag og accreditation sa mga gradwado sa SHS ubos sa tec-voc strand ug makig-alayon siya sa Technical Education And Skills Development Authority sa pagsulbad sa kakuwang sa tec-voc trainers.
Una nang gikataho ni Angara nga gimanduan matud pa siya sa Presidente nga kinahanglang masiguro ang mga creditials og mga skillset sa mga kabataan arun makakuha kini og trabaho.
