BUTUAN CITY – Kasado na ugmang adlawa Biyernes, September 6, ang himuong ocular inspection sa Senado sa Kingdom of Jesus Christ kon KOJC compound sa Davao City.
Gawas niini, duna usa’y hearing ang Senate Committees on Justice and Human Rights ug ang Public Order and Dangerous Drugs sa nahimong operasyon sa Philippine National Police (PNP) sa maong compound.
Una nang mi-apela si Senador Ronald “Bato” dela Rosa kang Pangulong Ferdinand Marcos Jr nga dunggon ang yangungo sa mga residente sa Davao City nga apektado sa pag-serve sa warrant of arrest batuk sa ilang lider nga si Pastor Apollo Quiboloy.
Gibarugan na usab sa Department of Justice (DOJ) nga balido ang operasyon sa Philippine National Police (PNP) aron i-serve ang warrant of arrest batuk kang Quiboloy.
