BUTUAN CITY – Nanawagan karon si Alliance of Concerned Teachers kon ACT partylist Rep. France Castro ngadto sa Senado nga sundon ang konstitusyon karong nadawat na nila ang Articles of Impeachment batuk kang Vice President Sara Duterte.
Sa eksklusibong pakighinabi sa Bombo Radyo Butuan, gibutyag sa kongresista nga angayang ‘immediate’ gilayon ang ilang himuong pagdungog aron mahukman na ang besi presidente ilabina nga espesyal matud pa nila nga trabaho nga angayang himuon.
Gawas pa, dili matud pa ma-abtan og HUnyo 2 kung i-review sa mga senador ang Articles of Impeachment ilabina nga pila ka buwan na matud pang nahisgutan sa mga pagdungog sa House Quad Committee ang mga isyung gibato kang VP Sara.
Gikataw-an lang usab ni Rep. Castro ang gipadayag kagahapon ni VP Sara nga mas sakit pa ang mabuwagan sa hinigugma kaysa ma-impeach.
Gibutyag niini nga timaan matud pa kini nga wala giseryuso ni VP Sara ang iyang katungdanan isipikaduhang pinakataas nga opisyal sa gobyerno sa Pilipinas.
Nagpakita matud pa kini nga gigara-garaan ra sa besi presidente ang kwarta sa katawhan nga maoy ilang gihimong usa sa mga grounds sa impeachment complaint kansa mas nagpakusog sa ilang tinguhang tangtangon matud pa gayod kini sa pwesto.
