BUTUAN CITY – Nagpadayag sa iyang kadismaya si Pangulong Ferdinand ‘Bongbong’ Marcos Jr. sa mikaylap karong signature campaign aron usbon ang Constitution ilawom sa people’s initiative dayong awhag sa Senado nga pangunahan ang pag-amenda sa batakang balaud o kaha pipila sa mga economic provisions niini.
Sigon ni Senate President Juan Miguel Zubiri, gimando matud pa kini sa pangulo atol sa ilang tigom dihang giduso ngadto sa Sendo ang Resolution of Both Houses of Congress 6 kon RBH6 ng nagtumong pag-amenda sa pipila ka mga economic provisions sa Constitution pinaagi sa lehislasyon.
Ang RBH6 naglimita sa bisan unsa mang paningkamot nga usbon ang batakang balaud ngadto sa mga espisipikong probisyon nga mag-abli sa mga public services, sa education sector ug sa advertising industry ngadto sa foreign ownership.
Sigon ni Zubiri, sila Senador Loren Legarda ug Sonny Angara ang nagduso sa RBH6 aron malikayan ang constitutional crisis subay na usab sa paningkamot sa kamara sa charter change ug sa pagsupak sa ubang mga senador niini.
