BUTUAN CITY – Kumbinsido si Senador Sherwin Gatchalian nga wala gi-atake sa anxiety si suspended Bamban Mayor Alice Gou, kansa maoy gihimo niining hinungdan aron dili makatunga sa pagdungog sa Senado.
Sumala ni Sen. Gatchalian, chairman sa Senate Committee on Ways and Means ug usa usab sa nag-imbistiga kang Guo, dili siya mutuo sa rason ni Guo tungod kay anad matud pa kining mamakak subay na sa iyang na-obserbahan sa mga nakalabay nga hearings.
Gawas niini, typical na lang matud pa nga excuse sa mga guilty ang sakit, anxiety, ingon man ang dili makaginhawa. Sigon sa Senador, kinahanglang mutambong na sa Senate Hearing si Gou sa Senado karong Hulyo 10, ug dili sila mosugot nga magpadala nalang kini og abogado aron dili ma-contempt ug ma-isyuhan na hinuon og arrest order.
