BUTUAN CITY- Pormal nga gikalampag ni Senator Imee Marcos ang ehekutibo aron iyagyag ang daw pagkunsabo tali sa gobyerno ug sa International Criminal Court (ICC) kalabot sa pag-aresto kang kanhi President Rodrigo Duterte.
Pinaagi sa Senate Resolution No. 340 nga gipasaka niadtong Martes, gi-obliga sa senadora ang administrasyon nga ipublikar ang tanang communications ug agreements sa ICC, dungan sa unang anibersaryo sa pagsikop kang Duterte karung adlawa Marso 11.
Gisaway ni Marcos ang nagkasumpaki nga posisyon sa gobyerno, ilabi na ang giingong pakig-koordinar ni Justice Secretary Jesus Crispin Remulla sa maong internasyonal nga korte.
Nanawagan si Marcos nga patubagon sa Konstitusyon ug gi-insistar ang immediate return ni Duterte sa nasud.
Kahinumdumang pormal na nga mingbuwag ang Pilipinas sa Rome Statute niadtong 2019, hinungdan nga hugit niining gispuak ang pagbalewala sa Philippine Judiciary pabor sa mga arrest warrants sa ICC.
