BUTUAN CITY – Tun-an ni Senadora Nancy Binay ang posibleng pagpasaka niya og reklamo ngadto sa Senate Committee on Ethics batuk kang Senador Alan Peter Cayetano.
May kalambigitan kini sa gipakitang taras sa Senador nga wala ma-angayi sa senadora atol sa Senate Hearing ning nakalabay’ng adlaw.
Kahinumdumang naglalis atul sa ilang pag-atubang sa Senate hearing ang duha ka senador diohang gituki ang gipatukod nga bag-ong Senate Building sa Taguig City, diin ang init nga diskusyon nga ningresulta sa personalay nga tirada.
Dinhi gikantyawan ni Cayetano si Binay nga Lourdes matud pa ang pangalan niini, ug dili Marites ug gisultihan pa nga nabuang na.
Nasayrang gipasumanginlan pa ni Cayetano si Binay nga naghatag matud pa og mga pangutana daan sa mga media arun lang makonek ang isyu sa bag-ong senate building sa Makati ug Taguig.
Sigon ni Binay, kinahanglan nga mangayo og pasaylo si Cayetano sa Senate Media, bisan og dili na alang kaniya.
