BUTUAN CITY – Init ang lalis nila Senador Rodante Marcoleta ug Justice Secretary Jesus Crispin “Boying” Remulla kabahin sa isyu sa restitution kon pagbalik sa kwarta nga gika-ingong nakawat—isip kondisyon sa Witness Protection Program (WPP).
Nagsugod kini dihang gibutyag ni Remulla nga dili siya mu-apruba sa pagpa-ilalom sa mga Discaya sa Witness Protection Program kung wala pa ang restitution, tungod sa kabug-at sa krimen ug pagpanalipod sa interes sa katawhan apan gipamugos ni Marcoleta nga wala sa balaod ang pag-require sa restitution para ma-apil sa WPP ang usa ka resource person.
Nasayrang gusto ni Marcolea nga ma-apil sa WPP ang magti-ayong Discaya bisn og wala gi-uli ang kwarta.
Gi-quote niya ang Republic Act 6981, nga wala naghisgot nga kinahanglan i-uli una ang kwarta aron mahimong testigo sa estado dayong butyag nga iya lang gipaklaro ang probisyon sa balaud dayong tambag sa kalihim nga dili niini angayang usbon ang probisyon sa balaud.
Apan mitubag pa si Remulla nga bisan wala sa balaod, ang restitution usa matud pa ka moral obligation kondiin alang kaniya, ang pagbalik sa kwarta usa ka pagsulay sa good faith sa usa ka testigo.
Dihang gipintok siya pagsulti ni Marcoleta nga mahimo siyang ma-disbar tungod sa pag-usab sa probisyon sa balaud, igo lang mipahiyom ang kalihim dayong butyag nga bahala na kini sa angayan niining buhaton.
