BUTUAN CITY – Mi-ani og mga pagdayeg ang usa security screener sa Passenger Terminal Building sa Port of Surigao human sa ikaduhang higayon, nag-uli kini og kwarta nga iyang nakit-an sa iyang pagtrabaho.
Nasayran nga niadtong Enero 2, giuli ni John Rey Yap ang sling bag nga iyang nakit-an human nabilin sa Baggage X-ray Machine sa maong pantalan atol sa iyang duty.
Ang maong sling bag dunay sulod nga cash nga miabot sa 11-mil 590 pesos lakip na mga IDs. Sa walay pagduha-duha nangayu kini og tabang sa naka-duty nga Port Police Officer nga maoy misulay sa pag-kontak sa tag-iya.
Pipila ka minuto ang milabay, usa ka Oiram M. Urbiztondo, ang mipatim-aw sa Port Police Division Headquarters sa PMO Surigao aron e-claim ang sling bag.
Kung mahinumdman, niadtong Hulyo 3, 2022 sa dihang malampusong na-uli usab ni Yap ang 80-mil pesos nga kwarta nga sulod sa nabilin nga bag sa Baggage X-ray Machine Conveyor sa Port of Surigao Passenger Terminal Building.
Ang security screening unit ilalom sa direct supervision sa Port Police Division sa Port Management Office-Surigao.
