Security plan sa posibleng pagbisita ni Senador Bato sa Socorro, Surigao del Norte, plastado na

BUTUAN CITY – Duna na’y security plan ang Surigao del Norte Police Provincial Office alang sa gika-ingong pagbisita ni Senador Ronald ‘Bato’ de la Rosa karong semanaha sa Sitio kapihan, Brgy. Sering, lungsod sa Socorro, Surigao del Norte aron personal nga pangunahan ang ocular inspection nga himuon sa maong lugar diin nakabase ang kotrobersyal nga kultong Socorro Bayanihan Services Inc.

Sa eksklusibong pakighinabi sa Bombo Radyo Butuan, gipadayag ni Surigao del Norte Police Provincial Director Col. Laudemer Laude nga duna na sila’y gi-deploy nga 49 ka mga pulis sa nasangpit nga lugar human sa unang pagdungog sa Senado kalabot sa mga isyung gilambigitan sa maong kulto.

Wala sila’y nakitang problema sa ilang pesonnel deployment tungod kay wala matud pa panghilabot sa maong pwersa ang nahabiling mga membro sa Kapihan. Tungod sa presensya sa mga pulis, nabisita na sa mga taga-Socorro ang ilang kabanay nga atua sulod sa compound samtang ang mga atua sa sulod, nakabisita na usab sa ilang mga kabanay nga atua sa gawas sa compound.