BUTUAN CITY – Hugtanong giklaro sa Securities and Exchange Commission kon SEC ang gipamahayag sa Kabus Padatoon kon KAPA Community Ministry International nga nakakuha na sila og approval aron ipadayon ang ilang crowdfunding activities sa Pilipinas.
Sa usa ka statement, giklaro sa SEC nga wala nakarehistro sa ila ang KAPA nga una na nilang gitawag nga usa ka investment scam.
Gidugang pa sa SEC nga duna’y pipila ka videos ang naka-post online diin makita sila Pacam Radio anchors Roger Abing Camingawan og Daniel Flash Villas, og uban pa, nga ang KAPA Community Ministry International nga nagpatuong rehistrado na ang kahugpungan isip usa ka crowd funding entity.
Una nang nagpagawas og freeze order ang Court of Appeals sa bank accounts sa KAPA og uban pa niini nga mga assets niadtong Hunyo tungod sa pag-solicit niini og salapi sa publiko bisan nga wala’y gikuptang permits.
