BUTUAN CITY – Subling nahunong kagahapon sa alas-kwatro sa hapon ang operasyong gihimo sa mga rescuers aron marekober ang unom ka mga minerong natabunang buhi sa natigayong mudslide sa Purok Casting, Brgy. Bayan, lungsod sa Marihatag, Surigao del Sur.
Sigon ni Fire Sr. Supt. Fred Trajeras Jr., regional director sa Bureau of Fire Protection (BFP) Caraga kansa apil sa mga rescue teams, mabaw na unta ang level sa tubig kagahapon sa tunnel nga gisudlan sa mga biktima human gigamitan og water pump apan kalit lang mibundak ang kusog nga ulan.
Tungod kay delikado alang sa kaluwasan sa mga rescuers ang treasure-hunting site ilabina nga humok pa ang yuta, napugos silang temporaryong ihunong una ang operasyon ug mubalik lang higayong maayo na ang dagan sa panahon.
Gibana-banang mukabat matud pa sa 20-ka tiil ang nasawom sa mga divers kahapon apan wala pa sila’y nakitang bisan usa man lang sa mga biktima rason ngfa dili usab niya mabutyag kung duna’y sign of life o wala ang na-abot nilang parte sa tunnel.
