BUTUAN CITY – Girespondihan gilayon sa mga sakop sa Marine Mammal Stranding Center sa New Jersey ang ilang nadawat nga report nga usa ka bai nga sea lion kon seal ang naglakaw-lakaw sa kalsada nga padulong na pagkapapag.
Sigon sa maong center, daling gi-contact sa Harvey Cedars Police Department ang mga rescuers kalabot sa maong insidente kondiin sa tunga-tunga pa sa Long Beach Boulevard nagbagdoy-bagdoy ang maong seal.
Ang mga pulis ug mga sakop sa Harvey Cedars Department of Public Works ang nag-man sa trapiko aron dili maligsan ang sea lion nga padulong matud pa sa Middlesex Avenue, diin siya mihigda nga posibleng tungod sa kakapoy.
Pag-abot sa mga rescuers sa Marine Mammal Stranding Center, dinhi nila nasuta nga wala ma-angol ang maong mananap apan nagniwang kansa timaan nga pila ka adlaw na kining wala makakaon.
Gidala gilayon kini sa Pool House sa maong center aron makapahulay ug ma-atiman adiser ibalik ngadto sa dagat.
