Nagfile og divorce ang usa ka babaye sa America human kini nagpatagna sa ChatGpt kung nangabit ba ang iyahang bana.
Sayran nga gisulayan matud pa sa maong babaye ang tradisyonal nga tasseography, kon ang pagpanagna pinaagi sa pag interpret sa coffee grounds. Apan imbis nga tinood nga kape ang gamiton sa maong babaye, nag upload na lamang kini og litrato sa ai nga chatgpt, ug gipasagdan na lamang niini ang AI nga mobasa sa kapalaran niini gamit ang litrato sa kape.
Subay niini, gitubag lamang matud pa siya sa chatgpt nga nangabit ang iyahang bana, ug letrang “E” matud pa ang nag-una sa pangalan sa maongbabaye nga matud pa sa AI, gustong mo guba sa ilahang relasyon.
Pagka sunod-adlaw, nakadesisyon gilayon ang maong babaye nga mag-file og divoce sa iyahang bana tungod kay nagtuo man kining tinood gayod ang taho kaniya sa AI.
Sa kasmatangan, nakig-irgo pa ang bana niini sa legal nga pamaagi, laumang dili matud pa buhian sa lalaki ilahang relasyon ilabi na nga wala saktong ebidensya ang pasangil sa nahisgutang babaye.
