BUTUAN CITY – Pormal nang nagsumite sa iyahang gipanumpaang saysay ang tistigo ug whistle blower nga si Julie “Dondon” Patidongan sa buhatan sa National Police Commission karong adlawa.
Kauban niining nanumpa isip bag-ong complainant sa maong kaso ang pipila sa mga paryente sa mga nangawalang sabungero. Subay niini, gipanganlan usab ni Patidongan ang 12 ka mga pulis nga may kalambigitan sa kaso sa mga nangawalang sabungeros.
Lakip sa gipanganlan ni Patidongan ang usa ka Ret. General isip usa sa mga nalambigit sa pagkawala sa mga sabungeros. Usa matud pa sa maong mga pulis ang ningsulay pagpatay kaniya, ug ning gukod pa niini bisan kon anaa na siya sa Mindanao.
Samtang, kabahin matud pa ang usa ka general nga gipanganlan niini sa grupong naila nga ‘Alpha’. Saysay pa ni Patidongan, usa lamang ang Alpha sa tulo ka mga grupo nga gimugna sa mga personalidad nganakadawat og tag 70-milyones matag buwan gikan sa mga transaksyon.
Usa usab matud pa sa maong mga General ang namugos kang Ang nga patyon nalang si Patidongan arun mahuman na ang problema niini. Dugang pa ni Patidongan nga ang maong mga Pulis matud pa ang nagkuha sa mga nangawalang sabungero sa ‘farm’ ug nagdala sa mga niini sa Taal Lake.
Subay niini, gipaniguro ni Patidongan nga bisan kon duna na siyay mga napanganlan nga mga Pulis, anaa pa gihapoy wala pa niya mailhi sa pangalan, apan nakaila siya sa nawong.
Nahimo usab nga emosyonal si Patidongan atul sa nasangpit nga press conference ilba na dihang gisaysay na niini ang mga hulga ni Ang sa iyahang Pamilya. Sumala niini nga kini matud pa ang ningtukmod kaniya arun mahimong whistleblower sa kaso.
Subay niini, plano kaorn ni National Police Commission Commissioner Vice Chairperson and Executive Officer Atty. Rafael Vicente R. Calinisan nga maresolba ang maong kaso slod lamang sa 60 ka adlaw. Sumala niini nga mamahimong molapas man kini sa maong mga adlaw, apan paningkamotan matud pa nilang maresolbar ang maong kaso sulod mismo sa maong mga adlaw.
