-- ADVERTISEMENT --
BUTUAN CITY – Igo na lang sa pagmahay ulitawong si alyas Vincent Rojoca Doydora alyas Bembem, 25- anyos, walay trabaho, ug residente sa P8, Sta. Lucia, Brgy. Mahogany, human kini nadakpan sa mga otoridad nga namaligya ug naghupot sa ginadiling droga.
Nasakmit sa buy-bust operation nga gipahigayon sa P1, Brgy. Baan Riverside ang punto-5 gramos nga suspected shabu kansa nagkantidad og P3,400; P500 nga buy-bust money, ug drug paraphernalia.
Gi-ila kini sa mga otoridad isip Street Level Individual kon SLI drug personality nga dugay nang gi-monitor ug gi-test buy sa duha ka higayon.
Sa kasamtangan, anaa na sa kustodiya sa Station 1 si Doydora aron atubangon ang kasong paglapas sa RA 9165 o Comprehensive Dangerous Drugs Act of 2002.
