Ning saka na sa tulo ang namatay sa lapad nga protesta sa Indonesia, kini human gisunog sa mga demonstrador ang council building sa sagpanang bahin sa nasnagpit nga nasod.
Nagsugod ang agresyon sa mga demonstrador human giligsan sa Police Armored car ang usa ka motorcycle driver atul sa demonstrasyon. Naila ang maong lalaki nga si Affan Kurniawan, 21 anyos.
Sayrang walay labot ang maong driver sa nasnagpit nga rally, kansa gipangulohan sa mga estudyante sa Indonesia.
Kagahapong adlawa, patay usab ang duha ka mga membro sa local council building nga gisunog sa mga demonstrador.
Unang nagprotesta ang liboang mga etudyante human nasuta ang kurapsyon sa ilang mga magbabalaod ilabina ang housing allowance nga 20 ka pilo nga mas dako kung itandi sa normal nilang sweldo. Dugang giprotestahan sa mga estudyante ang kakulang sa trabaho, ingon man taas nga cost of living sa ilang nasod.
Apan mas nidoble pa ang agresyon sa maong protesta dihang giligsan sa usa ka armored vehicle sa kapulisan ang usa ka 21 anyos nga motorcycle driver, kansa wala untay labot sa maong protesta.
Kini na ang pinaka unang hagit sa administrasyon ni President Subianto Prabowo nga nihangyo usab sa katawhan nga magmakalmahon dayong saad nga kinahanglang dunay manubag sa pagkamatay sa motorcycle rider.
